RSSLudvík formaður í Kappróðrarfelagnum NSÍ
Felagið hevði aðalfund í farnu viku. Formaðurin seinnu árini, Sámal Hansen, og fíggjarleiðarin, Sunnvard Vang, høvdu undan fundinum boðað frá, at teir ikki tóku við afturvali. Í teirra stað vórðu valdir Ludvík við Stein og Tóroddur Vang, sum báðir í nógv ár hava verið partur av manningini á Eysturoyingi. Nevndin skipaði seg eftir fundin við Ludvík við Stein sum formanni. Bjarki Danielsen er næstformaður, Hilmar Sam Lamhauge er fíggjarleiðari og Bogi Olsen er skrivari. Tiltakslimir eru Gudmundur Danielsen og Sámal Hansen.
Startlisti og skrá
Startlistin og skráin til Fish Fair Kappingina 2008 í morgin eru nú tøk.
Tak tey niður her (92 kb pdf).
Kappróðrarfelagið NSÍ fegnast og er sera takksamt fyri nógvu tilmeldingarnar. Heili 109 rógvarar hava meldað til einstaklingakappingina. Og 18 manningar fara at kappast um heiðurin í stafettkappingunum.
Vit gleða okkum til kappingina.
Fish Fair Kappingin verður 5. apríl
Leygardagin 5. apríl skipar Kappróðrarfelagið NSÍ á fjórða sinni fyri opnari kapping í innandura rógving.
Kappingin er nevnd Fish Fair Kappingin eftir høvuðsstuðlinum North Atlantic Fish Fair. Øll eru hjartaliga vælkomin at luttaka. Tað er ókeypis at luttaka í rógvikappingini.
Kappingin er bæði fyri einstaklingar og bólkar. Einstaklingakappingin er býtt upp í aldursbólkar, meðan stafettróðurin er kapping millum manningar við 6 rógvarum í ymsum aldursbólkum.
Vektfaktorurin verður bert nýttur til úrslitini í opnu bólkunum hjá monnum og kvinnum og í stafett-kappingini. Í hesum bólkum verða tíðirnar faldaðar við “vektjusteringsfaktorinum”. Hetta skuldi givið eina javna kapping, við tað at tey løttu og tey tungu í princippinum verða javnsett. Sí annars luttøkutreytirnar.
Í opnu bólkunum verða umframt bestu kvinnuna og besta mannin (funnin við tíð og tillaga við vektfaktorinum) eisini skjótastu tíðirnar (uttan faktor) í bólkunum lættvekt og tungvekt hjá kvinnum og monnum heiðraðar.
Allar kappingarnar fara fram á Concept 2 rógvimaskinum, ið líkjast teimum, ið eru at finna í kappróðrarfeløgunum kring landið. Kappingin verður hildin í Ítróttarhøllini í Runavík. Tilmelding fer fram umvegis hesa heimasíðuna innan fríggjadagin 4. apríl kl. 12.00.
Kappróðrarfelagið NSÍ vónar, at undirtøkan verður góð.
Myndir og úrslit frá Fish Fair Kappingini
Myndir frá tiltakinum í dag eru at finna her.
Og úrslitini eru her (pdf).
Tekningarfreistin longd
Fyri at geva so nógvum sum gjørligt møguleika at luttaka í Fish Fair kappingini er freistin at melda til longd til fríggjakvøldið kl. 21.00.
Føroya Tele letur fartelefon og iPod
Ein fartelefon og ein iPod verða burturlutað millum luttakararnar í Fish Fair kappingini leygardagin.
Tað er Føroya Tele, ið letur hesar vinningarnar.
Enn er gott pláss, so komið og meldið tykkum til kappingina, ið verður nú leygardagin í ítróttarhøllini í Runavík.
Byrjað verður við viging kl. 8.00. Yngru manningarnar byrja at rógva kl. 10. Skráin verður endaliga løgd, tá allar tilmeldingarnar eru komnar inn.
Fish Fair Kappingin 2007
Leygardagin 14. apríl skipar Kappróðrarfelagið NSÍ á triðja sinni fyri opnari kapping í innandura rógving.
Kappingin er nevnd Fish Fair Kappingin eftir høvuðsstuðlinum North Atlantic Fish Fair. Øll eru hjartaliga vælkomin at luttaka. Tað er ókeypis at luttaka í rógvikappingini.
Kappingin er bæði fyri einstaklingar og bólkar. Einstaklingakappingin er býtt upp í aldursbólkar, meðan stafettróðurin er kapping millum manningar við 6 rógvarum í ymsum aldursbólkum.
Vanliga hava allir rógvararnir verið vigaðir kappingardagin. Men hesa ferð er gjørt av, at vektfaktorurin bert verður nýttur til úrslitini í opnu bólkunum hjá monnum og kvinnum og í stafett-kappingini. Í hesum bólkum verða tíðirnar faldaðar við “vektjusteringsfaktorinum”. Hetta skuldi givið eina javna kapping, við tað at tey løttu og tey tungu í princippinum verða javnsett. Sí annars luttøkutreytirnar.
Nýtt hesa ferð er eisini, at í opnu bólkunum verða umframt bestu kvinnuna og besta mannin (funnin við tíð og tillaga við vektfaktorinum) eisini skjótastu tíðirnar (uttan faktor) í bólkunum lættvekt og tungvekt hjá kvinnum og monnum heiðraðar.
Allar kappingarnar fara fram á Concept 2 rógvimaskinum, ið líkjast teimum, ið eru at finna í kappróðrarfeløgunum kring landið. Kappingin verður hildin í Ítróttarhøllini í Runavík. Tilmelding fer fram umvegis hesa heimasíðuna innan hóskvøldið 12. apríl kl. 24.00.
Kappróðrarfelagið NSÍ vónar, at undirtøkan verður góð.